Face：《交響情人夢In Europe》千秋巴黎搞女 野田妹告急
关键词： 交響情人夢TVFans:千秋巴黎搞女 野田妹告急
来源：Face Vol.35 2008-01-22
原文：http://bbs.ent.163.com/bbs/tvb/45027198.html
《交響情人夢》上年8月在港播出，雖然收視唔太爆，不過兩位主角「千秋王子」玉木宏同「野田妹」上野樹里成功在港爆出，連帶古典音樂soundtrack都賣斷市。
《交》劇在日本反應好，大批fans聯名去信富士電視台要求拍續集，電視台臨拉隊飛過歐洲，拍兩集各長2個鐘特別版。
人靚景靚，千秋同野田妹忍唔住要搞異地偷食情緣，不過結局係點，你唔係估唔到呀？
特別版講千秋同野田妹畢業後一齊去歐洲，男進修指揮，女去巴黎音樂學院讀書，承接上集傳統，特別版依然係超誇張演出，野田妹巴黎街頭被千秋一掟去九丈遠；送飛吻畀千秋時有幾百個心飛出等，漫畫化難怪界咁buy！
偷食男女
「千秋王子」高大靚仔，即使去到巴黎都有大把女仔爭住要。先有同屋的俄羅斯美少女Tanya不斷死纏挑逗，再有中國天才鋼琴家孫蕊送上門，豔福無邊。
不過野田妹都唔弱，有法國電車男Frank做護花使者，跟出跟入送佢返學，仲投其所好陪佢睇漫畫同卡通片，細心過千秋多多聲。
大晒外語
咁本去巴黎同布拉格取景，梗係要去名勝朝拜，第一集千秋一心帶野田妹去巴黎鐵塔、凱旋門等名勝參觀，可惜野田妹掛住食，晒千秋一番心機，搞到千秋狂鬧野田妹，好可憐。
玉木宏劇入面唔單止要講法文，連德文都要講埋，狂講外語玉木宏話超辛苦：「今次拍特別版，最大挑戰係學要講流利法文，我仲因為太辛苦而瘦幾磅！」宏仔一向都唔長肉，今次瘦到面都凹埋，fans實肉痛死！
國產才女
千秋首次正式歐洲做指揮家，佢才華令國產鋼琴家對佢非常仰慕，仲成日含情脈脈望住千秋，激死野田妹！
姣爆俄妹
來自俄羅斯Tanya，因為知千秋媽咪係有錢人，所以死黐數，仲主動到擅闖千秋間房，除晒外套扭身扭勢姣爆佢。
野田妹同千秋殺過歐洲，於故事尾段千秋更加捉實野田妹個萬眾期待深情之吻，浪漫到暈。
野田妹去到聖母院都掛住食，不過食法國出名甜餅Macaron，又幾識食喎！
《交》劇特別版講野田妹去法國讀書，而飾演千秋玉木宏就去歐洲進修兼比賽，最難得係兩位都唔使做又可以大把錢使，原來日本人真係幾有錢。
野田妹難得出國去到巴黎同布拉格，遇上一個極度崇拜莫札特城堡堡主，野田妹貪玩套衫扮莫札特彈琴，真係有歐洲feel！