Face：日版O姐玩殘辣新抱（日剧《嫁個好人家》）
关键词： 嫁個好人家 日剧TVFans:日版O姐玩殘辣新抱
原文：http://bbs.ent.163.com/bbs/tvb/45760941.html
香港《野蠻奶奶》勁hit，連3歲細路仔都知邊個係O姐，婆媳關係呢個hottopic，原來日劇都有得做。
由《我Miss係大佬》靚老師仲間由紀惠主演《嫁個好人家》，全劇只有9集，講仲間飾演山本君子嫁畀大家族山本家二少爺谷原章介，原本兩夫妻東京過二人世界，點知老公屋企有好多騎呢習俗，例如剛入門新抱要被一班仔用掃把追打，屋企死人又要佢負責搞喪禮等等。
由日版汪明荃松慶子領演奶奶，成日迫仲間投入夫家生活，令呢位初歸新抱盡快融入家中。不過新抱仔都唔係善類，下下同麻煩奶奶玩對抗。
野蠻奶奶係難頂，不過黐身奶奶仲難搞呀！
仲間日本勁紅，企穩一線屬天后級，不過在港知名度一般，最為人熟悉都係《我Miss係大佬2》中做靚女Miss。
出走新娘
受夠君子終於頂唔住離家出走，仲兇丈夫話要離婚，點知佢位闊少老公喊得快過佢，火車站喊到收唔到聲，調番轉要君子番佢。
老公失驚無神捉君子返老家擺酒，做開自由撰稿員習慣自由自在君子要大班唔識人面前扮賢淑，一邊準備婚宴一邊忙趕稿，老公又幫唔到手，成肚氣谷住谷住。
奶奶要君子婚宴上表演插花畀班親戚睇，成世人未插過花君子手唔成勢。
殯儀之星
君子要負責寫爺爺追悼文章，諗住問班叔伯搜集爺爺生平時，佢一人一句九唔搭八呃水吹，搞到君子無從入手，最後累到君子篇悼文俾人狂插。
之後君子仲負責晒成個喪禮儀式，除要寫悼文、請主持打齋，君子仲要抹晒山本家過百個祖墳。
噴血O姐
日版O姐松慶子，今年已經55歲，拍過多本全祼噴血寫真，04年還有《桃色》中與章小蕙孖住露，5年前更出版寫真《櫻花傳說》繼續露，年過50都唔收山，呢位O姐認真唔講得笑！
now138台2月9日起逢星期六晚上7時
麻煩家族
君子老公磯次郎全家人都古古怪怪，君子每次返去都要應付呢班騎呢親戚，最慘老公淨係識惹麻煩幫唔到手，搞到君子每次返夫家都慘過死！
麻煩一號 山本志摩子（君子奶奶）
支持丈夫、熱心教育孩子的賢妻良母。經常誤會君子喜歡參與他們的家庭聚會，自以為做每件事都是為君子好，查實過分熱情煩到嘔。
麻煩二號 山本磯次郎（君子老公）
傻傻、冇主見的廢柴老公。遇到問題永遠都會話「交畀我啦！」，不過講就無敵，次次都要老婆出手打救。
麻煩三號 山本波男（君子老爺）
日版O姐老公，不愛說話只會點頭。外表嚴肅冷漠，其實很關心君子及其他家人。
麻煩四號 山本榮次郎（君子大伯）
山本家的長子，因為老婆唔鍾意參與家庭聚會而變得疏遠家人。
麻煩五號 守山由美（君子姑奶）
被父母寵壞的山本家長女，對任何人都尖酸刻薄，非常妒忌母親痛錫君子，因而處處針對她。
麻煩六號 山本理惠（君子大伯娘）
榮次郎的妻子。討厭參與山本家的聚會，而且因為奶奶只錫君子深生不忿，經常搵機會整蠱對方。
奶奶一心諗住同新抱仔君子打好關係，成日借機搞家庭聚會畀君子參與，查實君子最憎對住佢一家人，尤其係成塊貼身膏藥奶奶。
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6619723