Face：《求婚大作戰》日劇五冠王
关键词： 求婚大作戰 日劇煲劇王:《求婚大作戰》日劇五冠王
原文：http://bbs.ent.163.com/bbs/tvb/46051890.html
今次介紹嘅日劇《求婚大作戰》，只可以用個「勁」字嚟形容，點解？因為套劇喺日本「第11回日劇大賞」創下呢個大獎創辦以嚟首個「5冠王」紀錄，連奪最佳男主角（山下智久）、最佳女主角（長澤正美）、最佳作品獎、最佳男配角（濱田岳）、最佳女配角（榮倉奈奈），合共5個主要獎項。
個劇攞咁多獎，收視當然有番咁上下，電視台仲收到幾千個觀眾電話，問會唔會拍續集。其實個劇嘅結局一早留定後路，電視台見個勢咁好，即刻拍咗一個兩小時特別版，跟住去埋夏威夷拍外景，今個春季就會日本播出。不過續集就要慢慢等喇！
山下智久飾演嘅岩瀨健同吉田禮（長澤正美飾演）小學三年班開始做同學，健衰在怕醜又冇膽，喺禮身邊14年，一直都唔敢話俾人知鍾意人，仲眼白白睇住禮同老師拍拖到結婚。愛人結婚了，新郎不是我，健喺婚禮度好得體咁向一對新人祝賀，個心梗係酸溜溜，連教堂妖精（三上博史飾演）睇見都唔抵得，現身出嚟幫佢，俾機會健返轉頭，去返佢哋高中時代，等佢重頭嚟過。
扭轉歷史
過程中原本佢可以阻止禮同老師發展，但最後佢又係心軟冇阻止到。去到婚禮現場，新娘新郎同賓客一齊分享一對新人成長同結識片段，教堂妖精就喺每張相播緊嗰陣停咗時間，俾健返去張相嗰刻改變一次，每次佢都下定決心要表白，但總係顧慮咗其他嘢先，例如張相見到禮唔開心，佢就改變當中過程令禮開心番。最後去到人哋要結婚行禮佢先夠膽表白，但已經太遲，搞到啲相播晒，禮都冇接受佢，決定同老師結婚。
相都播晒，健以為歷史真係冇法改變，妖精再俾最後一次機會佢，返去婚禮致賀詞嗰刻，佢終於喺一對新人同咁多賓客面前，講晒佢對禮14年嘅感情，最後搞禍咗人哋個婚禮，佢竟然走咗去，睇見個新娘感動到喊，新郎好冇癮咁自動放棄，之後仲要好大方咁鼓勵新娘去搵番健。就係咁大團圓結局，真係戲劇性發展，做戲咁做，超現實。
必看場面
妖精出手
教堂妖精（右）出現，將時間停頓，健（左）只要擺個「去片」姿勢，講句：「哈里路亞，Chance！」就可以返去改變每張相嘅歷史一次。
定情擦膠
禮小學三年班坐喺健隔籬，健將寫住自己個名同班號嘅擦膠「岩瀨健三年G班」，分一半俾禮用，禮嗰一半睇見「岩瀨健三」，之後一直叫佢健三，呢個係佢對健親密嘅稱呼，到禮要結婚，禮叫番佢健，劃清同健嘅關係。
求愛初吻
禮同健拗緊自己嘅初吻，係喺佢哋小學運動會玩二人三足跌倒時俾健錫咗一啖，健唔記得有件咁嘅事，禮當然好嬲，健終於鼓起勇氣咀咗禮一啖示愛。
陰差陽錯
禮20歲生日嗰晚，因為要交圖則參賽，健唔想阻禮贏比賽，等禮交完圖則先同佢慶祝，但事與願違，健去等禮，禮又去搵健，兩個人撞唔到，歷史改變唔到，反而老師就喺禮傷心流淚時俾到安慰佢。
神女無心
禮決定接受老師求婚嗰晚，健用晒成副身家買咗隻鑽戒，半途攔截禮，正式同禮表白求婚，仲攬住人，禮覺得佢不切實際，冇等佢攞隻鑽戒出嚟已經拒絕佢，繼續赴會等老師求婚。
許下承諾
禮嘅媽咪俾健睇番佢哋細個啲相，記番禮細個同健玩單槓跌傷喺手臂留咗條疤痕，健內疚到承諾要照顧禮一世。健帶禮去球場講番件事，俾禮知道佢之前嘅表白唔係玩，係自細就想同禮一齊。
總評：金童玉女殺晒
山下智久係日本著名經理人公司Johnny's事務所旗下NEWS偶像團體成員之一，即係日本萬人迷木村拓哉嘅小師弟，可能係咁，佢嘅小動作竟然學足師兄木村，好似咬嘴唇、歪嘴笑、嘟嘴、吞口水、單眼手指指......總之似到十足十。佢不單有木村嘅影子，年紀仲細35歲嘅木村一大截，只得22歲，就算係抄都俾人覺得可愛啲啦！女主角長澤正美都唔弱，日本音樂雜誌選舉「最想收到哪位明星送出的頸巾」，20歲嘅長澤坐正第一位，係日本新一代玉女掌門人，咁嘅金童玉女配搭，觀眾梗係想睇佢哋大團圓結局啦！
山下智久飾演的岩瀨健，與長澤正美飾演的吉田禮，自小學3年級到大學都在一起，絕對是青梅竹馬，但健遲遲不敢表白，錯過了唾手可得的愛情。
幾經波折，健終於夠膽表白，有情人終成眷屬。
劇中的禮是個好動的多嘴女生，與健獨處時總喜歡鬥氣。
Trackback
你可以使用这个链接引用该篇文章 http://publishblog.blogchina.com/blog/tb.b?diaryID=6619724